Hafna beiðnum um innflutning á Spútnik V
Setja bókamerki
Heilbrigðiseftirlit Brasilíu hefur hafnað beiðni nokkurra ríkja í landinu um innflutning á rússneska bóluefninu Spútnik V sem notað er gegn Covid-19. Eftirlitið segir að það hafi ekki undir höndum viðeigandi gögn sem staðfesti öryggi og virkni bóluefnisins.
„Við munum aldrei leyfa bólusetningu milljóna Brasilíumanna án þess að efnið sé sannprófað hvað varðar öryggi og virkni þess, eða í það minnsta að það sé staðfest að ávinningurinn af efninu vegi þyngra en áhættan,“ sagði Antonio Barra Torres, forseti brasilíska heilbrigðiseftirlitsins Anvisa.
Eftirlitið hefur gefið það út að sérfræðingar þess hafi verið óvissir um ákveðna þætti bóluefnisins. Það hefur enn ekki verið samþykkt af Lyfjastofnun Evrópu eða Matvæla- og lyfjastofnun Bandaríkjanna (FDA).
Sýnir 90% virkni
Í síðasta mánuði fékk Anvisa beiðni um neyðarleyfi fyrir bóluefnið. Eftirlitið hefur ekki gefið út hvaða upplýsingum nákvæmlega það þurfi á að halda til þess að geta skorið úr um öryggi og virkni bóluefnisins.
Rússland skráði Spútnik V sem bóluefni gegn Covid-19 í ágúst síðastliðnum, áður en stórar klínískar rannsóknir höfðu verið framkvæmdar. Það olli vísindamönnum víða um heim áhyggjum en síðari rannsóknir hafa leitt í ljós mjög jákvæðar niðurstöður.
Læknatímaritið Lancet birti t.a.m. niðurstöður sem sýndu að bóluefnið væri öruggt og hefði meira en 90% virkni.
Foreldrar stefna kennurum: „Þetta er neyðaraðgerð“
Tveggja ára fangelsi fyrir manndráp á Lúx
„Hann neitaði ekki sök á þessum fundi“
Þúsundir flýja heimili sín á ný
Sviptur leyfi eftir hundamisnotkun
Segir málinu laumað í gegnum kerfið
Kennarar hafi ekki svarað foreldrum