44 létust í troðningnum

Að minnsta kosti 44 létust þegar tugþúsundir pílagríma komu saman í Meron í Ísrael í gærkvöldi. Benja­mín Net­anja­hú for­sæt­is­ráðherra er á vettvangi slyssins sem er eitt það mannskæðasta í Ísrael í langan tíma.

Flestir þeirra sem létust eru heittrúaðir gyðingar sem komu saman á stærstu athöfninni sem hefur farið fram í Ísrael frá því Covid-19-faraldurinn braust út. Gyðingarnir höfðu komið saman á fjallinu Meron til að fagna Lag BaOmer-trúarhátíðinni en á þessum stað er talið að gröf rabbínans Shimon Bar Yochai sé að finna en hann var uppi á annarri öld. Hann var einn af riturum Talmúð, safns rita sem innihalda trúarhefðir gyðinga. 

Frétt af mbl.is

Tugir tróðust undir á trúarsamkomu í Ísrael

• Blogga um frétt