Gagnrýna BBC vegna viðtals við Díönu
Setja bókamerki
Vilhjálmur og Harry Bretaprinsar hafa gagnrýnt BBC og fréttamanninn Martin Bashir harðlega vegna þess að Bashir „beitti svikum“ til að fá að taka frægt sjónvarpsviðtal við Díönu prinsessu, móður þeirra sálugu. Í viðtalinu sagði hún frá vandamálunum í hjónabandi hennar og Karls Bretaprins.
Gagnrýni prinsanna kom fram nokkrum klukkustundum eftir að niðurstöður sjálfstæðrar rannsóknar voru birtar þar sem kom fram að Bashir hafði notað fölsuð skjöl til að fá að setjast niður með Díönu árið 1995. Einnig kom þar fram að stjórnendur BBC hefðu ekki kannað nægilega vel hvernig hann varð sér úti um viðtalið.
Vilhjálmur sagði að það hvernig svikum var beitt til að fá að taka viðtalið hefði „haft töluverð áhrif“ á það sem móðir hans sagði í því og að þetta hefði „átt stóran þátt“ í endalokum sambands foreldra hans.
Hann sagði að mistök stjórnenda BBC hefðu átt sinn þátt í „ótta hennar, ofsóknaræði og einangrun“ síðustu æviár hennar.
Réðust að 15 ára dreng með hnífi og hnúajárni
Aldrei um neitt annað að ræða en að klára verkið
Rannsókn enn í gangi og beðið niðurstöðu krufningar
Bjartsýn á að opna nýjan Kársnesskóla næsta haust
Bjóða í jarðir til að kolefnisjafna
„Auðvitað er verið að leggja niður námið“
Gosmóða víða um land og hraun „bunkast upp“