Ferðamönnum frá Bretlandi verður meinaður aðgangur að Þýskalandi frá og með morgundeginum. 

Frétt af mbl.is

Fjöldi Evrópuríkja lokar á Bretland

Frá þessu er greint á BBC. 

Þar segir að ákvörðunin hafi verið tekin vegna aukinna smita af hinu svokallaða indverska afbrigði Covid-19 í Bretlandi. Miklar tilslakanir á sóttvarnaráðstöfunum hafa átt sér stað síðustu daga og vikur í Þýskalandi og hafa krár og veitingastaðir opnar dyr sínar fyrir eðlilegum viðskiptum víða í Þýskalandi. 

Þýskir ríkisborgarar og fólk búsett í Þýskalandi, ásamt einhverjum sem fallið geta undir undanþágur, mega koma til Þýskalands en þurfa að sæta tveggja vikna sóttkví. 

Á sama tíma verður ferðatakmörkunum frá Bretlandi til Spánar aflétt, það er á mánudaginn. 

Á Englandi er röðin komin að fólki á aldrinum 32 og 33 ára að bóka fyrri bólusetningu frá og með deginum í dag. Yfir 21 milljón manns er fullbólusett í Bretlandi.

Níu létust af völdum Covid-19 í Bretlandi í gær og 2.829 greindust með veiruna.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt