Enn senda Ísraelar eldflaugar á Gaza
Setja bókamerki
Ísraelskar herþotur sendu eldflaugar á Gaza-svæðið nú í kvöld eftir að íkveikjusprengjur voru sendar með blöðrum að syðri hluta Ísraels. Frá þessu greina fréttamenn AFP og ísraelski herinn.
Tilbúnir ef vopnahlé yrði rofið
Ísraelski herinn sendi frá sér yfirlýsingu þar sem fram kom að „síðustu daga hafi íkveikjublöðrur verið sendar frá Gaza-svæðinu yfir á ísraelskt yfirráðasvæði. Til að hefna þess réðust herþotur að miðstöðvum herliðsins í Gaza auk eldflaugaskotpalls þeirra.“ Yfirmenn ísraelska hersins segja þetta þriðja daginn í röð sem Palestínumenn sendi slíkar blöðrur á ísraelskt yfirráðasvæði.
Yfirmaður ísraelska hersins segir þá munu halda áfram að verjast þessum árásum frá Gazasvæðinu og viðbúna öllu. Meðal annars að hefja átök á nýjan leik ef vopnahléið sem samið var um 21. maí yrði rofið.
Nota ekki jólaljós til að níðast á fólki
Spá illviðri víða um land á morgun
Lýsa yfir stuðningi við kennara
Um 170 ný störf gætu skapast
Klúr skrif beindust einnig gegn börnum
Hjúkrunarfræðingar skrifa undir kjarasamning