Flugvél breska flugfélagsins British Airways skemmdist þegar nef vélarinnar hafnaði á jörðinni í stæði á Heathrow-flugvelli í dag.
Um er að ræða fragtvél af gerðinni Boeing 787 Dreamliner og því var enginn farþegi um borð. Vélin var kyrrstæð í stæði við vesturhluta flugstöðvarinnar þegar atvikið átti sér stað.
Mikill viðbúnaður var á flugbrautinni og voru viðbragðsaðilar snöggir að bregðast við líkt og sjá má á myndum og myndskeiðum á samfélagsmiðlum. Atvikið hafði þó engin áhrif á flugáætlun á Heathrow.
Ouch!
— M Zulqarnain B (@MZulqarnainBut1) June 18, 2021
British Airways 787 Dreamliner (G-ZBJB) has suffered from a nose gear collapse on stand 583 at Heathrow Airport#aviation #AvGeek pic.twitter.com/HdbfnONxNO
At the end of a long week, know exactly how this Dreamliner feels….😂 https://t.co/lOxsQATSpU
— Athol Forbes (@Strangelyhappy) June 18, 2021
Flugvélar af þessari gerð hafa áður hafnað á nefinu, meðal annars í Eþíópíu og Bandaríkjunum. „Öryggi er alltaf í fyrirrúmi hjá okkur og er atvikið til rannsóknar,“ segir talsmaður British Airways.