Fjórir mótmælendur létust í átökum milli mjanmarska hersins og skæruliðasveita sem eru mótfallnar herforingjastjórninni sem tók völdin í febrúar. 

Átök og mótmæli hafa geisað í landinu frá valdaráninu í febrúar. Fjöldi fólks hefur myndað „varnarsveitir“ gegn herforningjastjórninni sem hefur beitt mótmælendur mikilli hörku. 

Sveitir hersins réðust inn á heimili í Chan Mya Tharsi á þriðjudagsmorgun eftir nafnlausa ábendingu. Skæruliðarnir mættu hernum með handsprengjum og minni skotvopnum. Einhverjir úr röðum hersins slösuðust samkvæmt tilkynningu frá hernum. Í tilkynningunni kemur einnig fram að fjórir „hryðjuverkamenn“ hafi látist í átökunum. Átta voru handteknir. 

Tengdar fréttir

Valdarán í Mjanmar

H&M hættir starfsemi í Mjanmar

• Pólitískir fangar voru 300
• Sjö þúsund fangar náðaðir í tilefni afmælis
• Dæmd í 33 ára fangelsi samanlagt
• Í þriggja ára fangelsi fyrir kosningasvindl

» Fleiri tengdar fréttir

• Blogga um frétt