Ekkja forseta Haítí, sem var skotinn til bana í vikunni, hefur gefið frá sér tilkynningu. Martine Moise særðist lífhættulega í árásinni og var því flutt á sjúkrahús í Flórída. 

Frétt af mbl.is

Hópur málaliða myrti forseta Haítí

Martine hvatti Haítíbúa til að villast ekki af leið. „Ég er á lífi, þökk sé Guði, en ég hef misst eiginmann minn, Jovenel,“ segir Martine í hljóðskilaboðum sem hún deildi á Twitter í dag.

Hóp­ur 28 málaliða réðst inn á heimili hjónanna á miðvikudag og skaut forsetann tólf sinnum. „Á örskotsstundu réðust málaliðarnir inn á heimili mitt og fylltu manninn minn af byssukúlum, án þess að gefa honum tækifæri til þess að segja eitt orð,“ segir Martine í skilaboðunum og bætir við að Haítí megi ekki láta dauða hans vera til einskis.

Allsherjarupplausn ríkir í stjórnmálum landsins eftir morðið á forsetanum en tveir menn gera tilkall til forsætisráðherratignar og er þingið nú óstarfhæft.

Martine lauk skilaboðunum á að segjast ekki ætla að yfirgefa haítísku þjóðina.

Tengdar fréttir

Morðið á Moise

Árás gerð á fangelsi og fjöldi slapp út

• Læknir grunaður um morðið á forsetanum
• „Ég er 100% viss um sakleysi þeirra“
• Bandaríkin senda ekki herlið til Haítí
• Haítí biður um aðstoð Bandaríkjahers

» Fleiri tengdar fréttir

• Blogga um frétt