Mótmælandi lést á Kúbu
Setja bókamerki
Að minnsta kosti einn mótmælandi hefur látist vegna mótmælanna gegn stjórnvöldum á Kúbu, að sögn yfirvalda. Maðurinn sem lést var 36 ár og tók þátt í mótmælum í úthverfum Havana á mánudaginn.
Talið er að yfir hundrað manns hafi nú verið handteknir en San Isidro, hreyfing sem stendur fyrir tjáningarfrelsi, birti á mánudaginn lista yfir 144 einstaklinga sem höfðu horfið í kjölfar mótmælanna. Forseti Kúbu, Miguel Diaz-Canel, hefur hvatt lögreglumenn til að beita mótmælendur hörku.
Mótmælin eru þau stærstu í landinu frá stjórnarbyltingunni á sjötta áratugnum en mikil óánægja ríkir gagnvart stjórnvöldum nú þegar Kúba gengur í gegnum eina verstu efnahagskreppu sem þjóðin hefur staðið í síðastliðin 30 ár. Skortir landsmenn rafmagn, vatn og mat, svo eitthvað sé nefnt. Á sama tíma hefur fjöldi Covid-19-smita farið hækkandi og ástandið í heilbrigðiskerfinu versnað.
Hótar Bretum og Bandaríkjamönnum
Yfir 300 stæði fóru undir hraun
Börn hafi engan rétt á leikskólakennslu
Mæðgur dæmdar til að greiða 64 milljónir
Myndir: Grindavíkurvegur aftur undir hraun
Maskína: Framsókn í fallbaráttu
Mjög alvarlegt ef Njarðvíkuræð gefur sig