Twitter lokar á Taylor Greene

Twitter hefur tímabundið lokað á reikning þingkonunnar Marjorie Taylor Greene fyrir að birta „blekkjandi“ upplýsingar um kórónuveiruna í færslum sínum. 

Samfélagsmiðlarisinn sagði í yfirlýsingu að repúblikaninn myndi ekki geta birt færslur í a.m.k. 12 klukkustundir. 

Greene hefur ekki farið leynt með afstöðu sína gegn bólusetningu og grímunotkun í faraldrinum. Í síðustu viku neyddist hún til að biðjast afsökunar eftir að hafa borið grímuskyldu saman við helförina. Henni var í byrjun árs vikið úr þeim þingnefndum sem hún hafði verið skipuð í. 

Frétt af mbl.is

Taylor Greene vikið úr nefndum

Lokað var á twitterreikning Greene í apríl en síðan opnað fyrir hann aftur. Twitter sagði þá, í kjölfar mikillar gagnrýni meðal repúblikana, að um mistök hefði verið að ræða. 

Greene sagði í gærkvöldi að tæknirisar væru að takmarka tjáningarfrelsi með stuðningi Hvíta hússins eftir að reikningi hennar var lokað.

• Blogga um frétt