„Í þeim örfáu tilvikum sem bólusettir smituðust af fyrri afbrigðum kórónuveirunnar smituðu þeir ekki út frá sér. Það er aðra sögu að segja af Delta-afbrigði veirunnar,“ sagði Rochelle Walensky, framkvæmdastjóri Sóttvarnastofnunar Bandaríkjanna (CDC), í samtali við CNN í dag. 

Þar færði hún rök fyrir því að stofnunin hefði mælt með víðtækari grímunotkun Bandaríkjamanna en áður. 

Hún sagði útlit fyrir að í einhverjum tilvikum gætu þeir sem hefðu verið bólusettir gegn Covid-19 smitað aðra af Delta-afbrigði veirunnar þó svo að það væri nánast aldrei tilfellið hvað varðar önnur afbrigði veirunnar. 

Tilmæli Sóttvarnastofnunar Bandaríkjanna eru á þá leið að fullbólusettir Bandaríkjamenn beri andlitsgrímu á almenningsstöðum innandyra. Það er breyting frá fyrri tilmælum stofnunarinnar sem voru á þá leið að fullbólusettir einstaklingar þyrftu ekki að bera andlitsgrímu innandyra. 

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Bandaríkin lokuð, Evrópa mismunar - Trump stefnan alþjóðavæðist