Sóttvarnastofnun Bandaríkjanna (CDC) hefur hækkað hættumat vegna ferða til Íslands í kjölfar fjölgunar kórónuveirusmita hér á landi. Stofnunin uppfærði á mánudag (2. ágúst) ferðaráðleggingarvef sinn og við það fór Ísland úr fyrsta hættustigi í þriðja stig, en stigin eru fjögur.

Þegar Ísland var í fyrsta stigi ráðlagði CDC Bandaríkjamönnum sem hygðust ferðast til Íslands að ganga úr skugga um að þeir væru fullbólusettir. Nú hefur bæst við að óbólusettum er ráðlagt að ferðast ekki til Íslands nema af brýnni nauðsyn.

Þegar nýgengi smita á hverja hundrað þúsund íbúa er á bilinu 100 til 500 á undanförnum 28 dögum og sýnataka er umfangsmikil er hættustigið í þremur. Fari nýgengi smita yfir 500 færist hættustigið í fjóra. Við það er öllum Bandaríkjamönnum ráðlagt að halda sig frá landinu.

Aðeins tvö ríki fóru úr fyrsta hættustigi í þriðja að þessu sinni og var það, auk Íslands, Máritíus.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Smit og innlagnir, Ísland og útlönd