Ríki banni nauðaflutninga til Afganistans
Setja bókamerki
Sameinuðu þjóðirnar kalla eftir því að ríki banni alla nauðaflutninga Afgana aftur til Afganistans, í kjölfar valdatöku talíbana í landinu.
Flóttamannastofnun SÞ kveðst í tilkynningu hafa gefið út tilmæli þessa efnis og beint þeim til aðildarríkja sinna.
Enginn afganskur ríkisborgari skuli neyddur til að snúa aftur til heimalands síns. Þar á meðal séu hælisleitendur sem þegar hefur verið neitað um landvistarleyfi.
Þegar stöðvað flutninga
Shabia Mantoo, talsmaður stofnunarinnar, hélt blaðamannafund í Genf í morgun þar sem hún fagnaði því að nokkur ríki Evrópu hefðu þegar stöðvað alla slíka flutninga fólks til Afganistans. Kvaðst hún vonast til að fleiri myndu fylgja hratt í kjölfarið.
Tugir þúsunda fólks hafa reynt að flýja landið í von um að sleppa úr greipum þeirrar ógnarstjórnar talíbana sem við er búist, að fenginni reynslu landsmanna. Margir þeir, sem unnu með bandarískum stjórnvöldum í ríkinu á undanförnum tveimur áratugum, óttast einnig hefndaraðgerðir af hálfu talíbana.
Fleiri fjölmiðlar lýsa yfir sigri Trumps
Hvenær vitum við úrslitin?
Vill taka 90 milljarða af lífeyrissjóðunum strax
Talið upp úr kjörkössunum
Móðirin hlaut 18 ára dóm
Víðtæk áhrif skattahækkana
Gular og appelsínugular viðvaranir á morgun
„Sigurinn aðeins meira afgerandi en ég bjóst við“
