Líkamshlutar fundust í flugvél frá Kabúl
Fólk hefur reynt allt sem í þeirra valdi stendur til þess að komast úr landi.
AFP
Setja bókamerki
Líkamshlutar manneskju fundust í stýrishólfi bandarískrar herflugvélar af gerðinni C-17 sem flaug frá Hamid Karzai-alþjóðaflugvellinum í Kabúl, höfuðborg Afganistans, á mánudag. Flugher Bandaríkjanna staðfesti þetta við New York Times í gær.
Málið er í rannsókn.
Nokkrir létust á flugvellinum í Kabúl fyrr í vikunni þegar mesta ringulreiðin var þar en ekki hefur verið staðfest hversu margir týndu lífi. Fjöldi Afgana klifraði á topp umræddrar vélar og nokkrir þeirra létust þegar þeir féllu í jörðina eftir að vélin tók á loft. Ekki er vitað hversu margir létust.
Þúsundir Afgana hafa reynt, með misjöfnum árangri, að komast úr landi á síðustu dögum, síðan talíbanar tóku völdin í Kabúl á sunnudag.
Lýsa yfir stuðningi við kennara
„Mjög bagalegt“ að klára ekki málið
Óvissustig á mörgum vegum
Illviðri gengur yfir landið í dag
Fresta framkvæmdum við Landspítala
Hjúkrunarfræðingar skrifa undir kjarasamning
Vatni hleypt aftur á Flateyri
„Það var bara allt í kássu“