Stefan Löfven, forsætisráðherra Svíþjóðar, tilkynnti í dag að hann muni ekki sækjast eftir að leiða sósíaldemókrata áfram á flokksþingi í nóvember og muni í kjölfarið láta af störfum sem forsætisráðherra. 

Svt nyheter greinir frá. 

Löfven ávarpaði sænsku þjóðina í dag í svokölluðu sumarávarpi. Þar sagði hann að sósíaldemókratar yrðu leiddir af einhverjum öðrum í þingkosningum næsta árs. 

Sagðist hann hafa upplýst stjórn flokksins og formann kjörnefndar hans um að hann vildi láta af formennsku flokksins á flokksþingi í nóvember. Löfven sagði að hann hefði áður verið ákveðinn í að starfa annað kjörtímabil en þessi ákvörðun hefði þroskast hjá sér í nokkurn tíma.

Löfven hefur verið formaður sósíaldemókrata í nærri tíu ár og forsætisráðherra í sjö ár.

Tengdar fréttir

Stjórnarkreppa í Svíþjóð

Greiða atkvæði um tilnefningu Andersson

• Löfven tilkynnir afsögn sína
• Löfven forsætisráðherra á ný
• Löfven falið að halda áfram
• Löfven fær tækifæri til að mynda nýja stjórn

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Ekki nóg að Stefan Löfven hætti, Svíþjóðardemókratar þurfa að fá …