Útgöngubann á Nýja-Sjálandi framlengt
Setja bókamerki
Stjórnvöld á Nýja-Sjálandi hafa framlengt útgöngubann sem var tilkynnt í síðustu viku vegna Covid-19.
Forsætisráðherrann Jacinda Ardern telur að útbreiðsla Delta-afbrigðisins í landinu eigi eftir að ná hámarki.
Vegna útbreiðslunnar sagði Ardern of snemmt að aflétta takmörkunum.
„Delta náði forskoti á okkur og við þurftum að ná í skottið á því eins fljótt og mögulegt var …við teljum að þessi útbreiðsla hafi ekki enn enn náð hámarki,“ sagði hún.
35 ný smit greindust síðasta sólarhring í landinu og eru smitin af völdum Delta þar með orðin 107 talsins. Yfir 13 þúsund manns hafa þurft að fara í sýnatöku.
Útgöngubannið á Nýja-Sjálandi átti að renna út á morgun en Arden sagði að það myndi halda áfram til föstudags í landinu en í borginni Auckland gildir það lengur, eða til 31. ágúst.
Aðeins um 20 prósent Nýsjálendinga eru fullbólusett, sem er eitt lægsta hlutfallið í þróuðum ríkjum heimsins.
Funda með þingflokkum
„Mér finnst gamla Samfylkingin komin aftur“
Ný ríkisstjórn kynnt á morgun
„Tímabil aukinnar eldvirkni“
Barn lést í árásinni
Nágrannaþjóðir upplýstar en við vöðum í blindni
Beint: Ellefu ráðuneyti í stað tólf