Að minnsta kosti 13 látnir í tveimur sprengingum
Veronika Steinunn Magnúsdóttir
Setja bókamerki
Tvær sprengingar urðu í Kabúl í Afganistan fyrir skömmu að því er fréttastofa Sky News greinir frá. Talsmenn talíbana hafa staðfest að þrettán hafa látist í árásunum, þar á meðal börn. Að minnsta kosti 30 eru særðir.
Talið er að um sjálfsvígsárásir sé að ræða og að öfgahópurinn ISIS-K beri ábyrgð á árásunum.
Önnur sprengingin varð við hótel þar sem breskar hersveitir og blaðamenn halda til að því er varnarmálayfirvöld í Bretlandi greina frá. Engin særðist í þeirri árás samkvæmt eiganda hótelsins.
Síðari sprengingin varð við svokallað Abbey-hlið rétt fyrir utan flugvöllinn. Að minnsta kosti fimm bandarískir hermenn særðust þar, einn alvarlega. Varnarmálaráðuneyti Bretlands hefur staðfest að engir breskir ríkisborgara særðust í árásunum.
Eftir yfirtöku talíbana á höfuðborginni Kabúl í Afganistan hafa farið fram einhverjir fjölmennustu fólksflutningar síðari tíma, þar sem fjöldi fólks óttast hvað koma skal þegar talíbanar taka til valda.
Sprengingin á flugvellinum í mannmergð
Forsætisráðherra Bretlands, Boris Johnson, mun funda með ráðamönnum þar í landi vegna árásarinnar.
Sjónarvottur í nágrenni við Kabúl-flugvöll sagði sprenginguna hafa orðið í mikilli mannmergð, í samtali við fréttaveitu Wall Street Journal. Fjöldi fólks hafi verið fluttur með sjúkrabíl af vettvangi og ástandið annarlegt.
Fréttin hefur verið uppfærð.
Fresta framkvæmdum við Landspítala
„Það var bara allt í kássu“
Klúr skrif beindust einnig gegn börnum
Neyðarástand kalli á tafarlaus viðbrögð
Telur njósnirnar vega að lýðræðinu á Íslandi
Nota ekki jólaljós til að níðast á fólki
Minni tafir en í sambærilegum borgum
„Mjög bagalegt“ að klára ekki málið