Nokkrir bandarískir hermenn á meðal látinna
Setja bókamerki
Varnamálaráðuneyti Bandaríkjanna hefur staðfest að nokkrir bandarískir hermenn létust í hryðjuverkaárásunum í Kabúl í Afganistan í dag.
Óvíst er hversu margir hermenn létust en að sögn ýmissa bandarískra fjölmiðla létust tólf landgönguliðar.
Fyrri sprengingin varð við hótel þar sem breskar hersveitir og blaðamenn halda til og sú síðari við svokallað Abbey-hlið rétt fyrir utan flugvöllinn. Alls hafa að minnsta kosti 13 látist í árásunum tveimur og 60 særst.
Boris Johnson, forsætisráðherra Bretlands, hefur lýst árásunum sem villimannslegum. Þá segir hann að Bretar muni halda áfram að flytja fólk úr landinu. Yfirvöld í Noregi segjast hins vegar ætla hætta að flytja fólk frá Afganistan.
Þá hafa Sameinuðu þjóðirnar, Angela Merkel, kanslari Þýskalands, og Joe Biden, forseti Bandaríkjanna, fordæmt árásina en von er á yfirlýsingu frá Biden síðar í dag. Hann fundar nú í Hvíta húsinu.
Talíabanir hafa einnig fordæmt árásina en talið er að andstæðingar þeirra í öfgahópnum ISIS-K beri ábyrgð á þeim.
Fréttin hefur verið uppfærð.
Oddviti Suðurkjördæmis aldrei búið í Suðurkjördæmi
Missti heimilið í þriðja sinn í eldsvoða
Allir landsbyggðarþingmenn fá styrk
Kostnaður við Elvanse stóraukist
Skoða mögulegar verkfallsaðgerðir
Myndskeið: „Engin leið“ að ná tökum á eldunum