Sjö lögreglumenn höfða mál á hendur Trump
Setja bókamerki
Sjö lögreglumenn bandaríska þinghússins höfðuðu í dag mál á hendur Donald Trump, fyrrverandi Bandaríkjaforseta, þar sem þeir saka hann um að bera ábyrgð á árásinni á Bandaríska þinghúsið þann 6. janúar á þessu ári.
Málsóknin er ein af mörgum sem lagðar hafa verið fram gegn Trump vegna tilrauna þúsunda stuðningsmanna hans til að koma í veg fyrir að þingið vottaði sigur demókratans Joes Bidens í bandarísku forsetakosningunum 2020.
Málið var höfðað fyrir héraðsdómi Bandaríkjanna í Washington af nefnd lögmanna um borgarleg réttindi þeirra sjö lögreglumanna í höfuðborgðinni sem börðust gegn stuðningsmönnum Trump er þeir brutust inn í þinghúsið.
Árásin hafi verið afdráttarlaus tilraun til að kæfa raddir milljóna Bandaríkjamanna
Meðal þeirra sem nefndir eru í málinu eru Trump, kosningateymi hans og meðlimir hægrisinnaðra öfgahópanna „Proud Boys“, „The Oath keepers“ og „The Three Percenters“.
Í málinu er fullyrt að aðilarnir hafi stundað „ólöglegt átak til að beita valdi, ógn og hótunum til að koma í veg fyrir að þingið myndi votta úrslit forsetakosninganna 2020“.
Damon Hewitt, forseti og framkvæmdastjóri lögmannanefndarinnar, sagði við frétastofu AFP að árásin á þinghúsið þann 6. janúar hefði verið afdráttarlaus tilraun til þess að kæfa atkvæði og raddir milljóna Bandaríkjamanna, einkum svartra kjósenda.
„Fólk ætti að fara að öllu með gát“
Evrópuumræðu laumað á dagskrá
Biður fólk um að vera ekki á ferðinni
Appelsínugular og gular viðvaranir í dag
Foreldrum sagt að heimanám væri verkfallsbrot
Lögmæti og heilindi dregin í efa
Með réttarstöðu sakbornings við rannsókn banaslyss