Bandaríkin hafa yfirgefið Afganistan
Setja bókamerki
Síðustu hermenn Bandaríkjanna hafa nú yfirgefið Afganistan. Markar þetta endi á tuttugu ára hernaðaríhlutun landsins í Afganistan en þau hófust í kjölfar árásarinnar á Tvíburaturnana þann 11. september 2001.
„Ég er hér til að tilkynna að rýmingu okkar frá Afganistan er lokið,“ sagði Kenneth McKenzie, hershöfðingi í landgönguliði Bandaríkjahers og yfirmaður heraflans í Afganistan, í yfirlýsingu nú fyrir skömmu.
Síðasta flugvélin tók á loft frá Hamid Karzai-alþjóðaflugvellinum einni mínútu fyrir miðnætti að staðartíma. Joe Biden, forseti Bandaríkjanna, hafði áður heitið því að allir bandarískir hermenn yrðu búnir að yfirgefa Afganistan fyrir 31. ágúst.
Mikill viðbúnaður
Mikill öryggisviðbúnaður var fyrir flugtakið en í síðustu viku sprungu tvær sprengjur við alþjóðaflugvöllinn í Kabúl og í morgun var flugskeytum skotið að flugvellinum. Hefur Khorasan, öfgahópur á vegum Ríkis íslams, lýst yfir ábyrgð á árásinni.
Að sögn McKenzie voru talíbanar mjög hjálpsamir við rýminguna, þrátt fyrir mikið ósætti milli þeirra og bandaríska hersins.
Skothvelli mátti heyra víða í Kabúl þegar bandaríski herinn staðfesti brottför sína.
Vegirnir voru eins og borðstofuborð
Hentugt gos fyrst gýs á annað borð
Sjötti ferðamaðurinn er látinn
Flestir sem hvergi finnast koma frá Sómalíu
Pútín reynir allt til að forðast aðra herkvaðningu
Hópur fólks reyndi að komast að eldgosinu
Reiðubúin að aflýsa verkföllum í fjórum leikskólum