Evrópusambandið hefur fjarlægt Bandaríkin af lista yfir þau lönd sem undanþegin eru takmörkunum á ónauðsynlegum ferðum meðan á faraldri kórónuveirunnar stendur.

Þessi skilgreining sambandsins er ekki bindandi fyrir aðildarríkin, sem geta enn leyft bólusettum bandarískum ferðamönnum að ferðast inn fyrir landamæri sín.

Flest ríkin hafa þó til þessa fylgt ráðleggingum þeirra sem stýra sambandinu frá Brussel.

Ónauðsynlegar ferðir til Evrópusambandsins, frá öðrum ríkjum en aðildarríkjunum 27 auk Íslands, Liecthenstein, Noregs, Sviss, Andorra, Mónakó, San Marínó og Vatíkansins, voru bannaðar fyrr í faraldrinum.

Nokkur fjöldi landa hefur þó verið undanþeginn þessum takmörkunum. Þeim hefur aftur á móti fækkað á undanförnum mánuðum og telur listinn nú aðeins 17 ríki eða svæði.

Tengdar fréttir

Kórónuveiran Covid-19

Varar við fleiri tilfellum í vetur

• Bóluefni hafi fækkað dauðsföllum
• Engin ein skýring á niðursveiflu
• Ekkert um alvarleg veikindi
• Skyldasti ættingi SARS „var í þeirra eigin ísskáp“

» Fleiri tengdar fréttir

• Blogga um frétt