Maðurinn með hornin játar sök
Setja bókamerki
Jacob Anthony Chansley hefur játað sök í dómsmáli gegn honum varðandi þátttöku hans þegar ráðist var inn í þinghús Bandaríkjanna 6. janúar.
Chansley, sem er liðsmaður öfgasamtakanna QAnon sem trúir mjög vafasömum samsæriskenningum, er einn af mörg þúsund stuðningsmönnum Trump, fyrrverandi Bandaríkjaforseta, sem reyndi að koma í veg fyrir að þingið næði að staðfesta niðurstöður forsetakosninganna sem fóru fram í fyrra.
Chansley var mjög áberandi í þinghúsinu á meðan innrásinni stóð; var ber að ofan, málaður í framan og með stóra loðhúfu skrýdda hornum. Hann gerði samkomulag við ákæruvaldið er hann játaði sök í gær. Hann játaði að hafa reynt að stöðva þinghaldið.
Tæplega 600 manns hafa verið ákærð í tengslum við óeirðirnar. Að minnsta kosti 36 hafa játað sök, þar af 8 sem viðurkenna að hafa brotið alríkislög líkt og Chansley.
Segja má að Chansley hafi orðið andlit innrásarinnar út á við. Hann hélt á bandarískum fána og kallaði sig QAnon Shaman, einskonar trúarleiðtoga samtakanna. Samtökin trúa því m.a. að Trump hafi háð leynilegt stríð gegn satanískum barnaníðingum sem starfa innan raða stjórnvalda, í viðskiptalífinu og í fjölmiðlum.
„Mér finnst gamla Samfylkingin komin aftur“
Beint: Ný ríkisstjórn tekin við völdum
Ók á hóp fólks á jólamarkaði: Einn látinn
Skattamál verði líklega „þeirra mesta klemma“
Samfylking og Viðreisn gáfu loforð
Stormur á Þorláksmessu en víðast hvar stefnir í hvít jól
Víkingar komnir yfir 800 milljónir í greiðslur
