Norður-Kórea hefur hafið prófanir á langdrægum flugskeytum sem ná til stórs hluta Japans, að sögn ríkisfjölmiðla þar í landi. 

BBC greinir frá. 

Prófanir fóru fram um helgina, þar sem flugskeyti flugu allt að 1.500 kílómetra, að sögn KCNA, ríkisfréttamiðils Norður-Kóreu. 

Er talið ljóst að Norður-Kórea hafi getu til þess að þróa öflug vopn þrátt fyrir matarskort og alvarlega efnahagskreppu. 

Bandaríkjaher hefur gefið út að nýjustu prófanir á Kóreuskaga ógni alþjóðasamfélaginu og Japanir hafa sagt æfingarnar valda töluverðum áhyggjum. 

Meðfylgjandi mynd birtist í fréttablaðinu North Korean Rodong Sinmun og má sjá á henni flugskeyti skotið á loft og aðra á lofti.

Tengdar fréttir

Norður-Kórea

Selenskí: N-Kórea heyir stríð í Evrópu

• Vonast til að glíma við Rússa og N-Kóreu með Trump
• Standa með Rússum þar til sigur vinnst
• „Ögrun sem ógnar alþjóðaöryggi“
• 10.000 norðurkóreskir hermenn til liðs við Rússa

» Fleiri tengdar fréttir

• Blogga um frétt