Segir mál á hendur prinsinum mögulega ólögmætt

Lögmaður Andrésar Bretlandsprins segir málshöfðun Virginia Giuffre á hendur prinsinum rakalausa, óverjanlega og mögulega ólögmæta. Giuffrie höfðaði einkamál á hendur prinsinum vegna meintra brota prinsins gegn henni þegar hún var 17 ára.

Þetta kom fram í svokölluðum forréttarhöldum sem fóru fram í gegnum fjarfundarbúnað nú í kvöld. Lögmaður Andrésar, Andrew Brettler, segir sátt milli Jeffrey Epstein og Virginia Guffrie leysa skjólstæðing sinn undan allri ábyrgð. 

Frétt af mbl.is

Segist ekki hafa fengið stefnuna

Fá viku til að birta stefnuna

Brettler hélt því einnig fram að stefnan hafi ekki verið birt Andrési með lögmætum hætti. Dómarinn veitti lögmanni Guiffre vikufrest til þess að afhenda Andrési stefnuna á lögmætan máta.  

Guffrie undirgekkst sátt við Epstein, sem er dæmdur kynferðisglæpamaður sem lést í fangelsi árið 2019, en Brettler segir þann samning firra Andrés allri ábyrgð í málinu. Þinghald mun halda áfram í málinu þann 13. október.

Frétt af mbl.is

Stefnir Andrési fyrir dómi

Segir Andrés hafa vitað að hún væri fórnarlamb mansals

Virgina Guffrie er 38 ára en hún segir Andrés Bretlandsprins hafa brotið á sér á þremur mismunandi stöðum, þar á meðal í New York en líka í Lundúnum í upphafi þessarar aldar.

Hún segir Andrés hafa haft samfarir við hana án hennar samþykkis vitandi að hún væri einungis 17 ára gömul en líka að hún væri fórnarlamb mansals.

Frétt BBC um málið

• Blogga um frétt