Fjöldi daga þar sem hiti fer yfir fimmtíu gráður í heiminum á hverju ári hefur tvöfaldast síðan á níunda áratugnum. 

BBC gerir alþjóðlegri greiningu um hitastig á heimsvísu ítarleg skil á vef sínum í morgun. 

Hitastig fer sömuleiðis yfir fimmtíu gráður á fleiri svæðum í heiminum en áður og skapar fordæmalausar áskoranir fyrir heilsu manna og lifnaðarhætti er kemur fram í umfjöllum BBC. 

Heildarfjöldi daga yfir fimmtíu gráðurnar hefur aukist á hverjum áratug síðan árið 1980. Að meðaltali fór hitinn yfir fimmtíu gráður um 14 daga á ári, á árunum 1980 til 2009. 

Fjöldinn hefur síðan hækkað í 26 daga á ári á árunum 2010 og 2019. 

Á sama tímabili var hitastig yfir 45 gráður að meðaltali í tvær vikur til viðbótar á ári. 

Haft er eftir Dr. Friederike Otto, aðstoðarforstjóra stofu umhverfisbreytinga við háskólann í Oxford að fjölgun heitra daga á heimsvísu megi með ótvíræðum hætti rekja til brennslu jarðefnaeldsneytis í heiminum. 

Tengdar fréttir

Loftslagsvá

Yfir 1.000 jöklar bráðnað í landinu

• „Við erum á leið til glötunar“
• Berjast áfram gegn hlýnun þrátt fyrir sigur Trumps
• Norsk losun ekki minni síðan 1990
• Norrænu ríkin verði að grípa til aðgerða

» Fleiri tengdar fréttir

• Blogga um frétt