Yfir 100 látnir í fangelsi í Ekvador

Alls eru 116 látnir og hátt í 80 særðir eftir átök á milli gengja í fangelsi í Ekvador.

Guillermo Lasse, forseti Ekvadors, greindi frá þessu. Hermenn hafa umkringt fangelsið, sem er eitt af mörgum í landinu þar sem fangarnir eru of margir og starfsmenn of fáir.

Fangarnir voru vopnaðir byssum og handsprengjum í átökunum sem talið er að tengist mexíkóskum eiturlyfjagengjum.

Fangelsið sem um ræðir. AFP

„Við viljum fá upplýsingar vegna þess að við vitum ekkert um fjölskyldur okkar og syni okkar,” sagði ein kona sem stóð áhyggjufull fyrir utan fangelsið. „Sonur minn er þarna inni.”

Yfir 200 fangar hafa látist í átökum í fangelsum í Ekvador það sem af er þessu ári.

Meðlimir í kólumbíska hernum standa vörð fyrir utan fangelsið. AFP

• Blogga um frétt