Breski herinn kemur bensíni til neytenda

Á mánudag mun breskt herlið byrja að dreifa bensíni á bensínstöðvar í Bretlandi. Í tilkynningu frá stjórnvöldum segir að 200 starfsmenn hersins, þar af 100 bílstjórar, muni veita „tímabundna“ aðstoð til þess að draga úr þrýstingi á bensínstöðvarnar. 

Frétt af mbl.is

Olíuskortur í Bretlandi og hersins mögulega þörf

Á vef BBC segir að stjórnvöld ætli einnig að gera 300 erlendum bílstjórum kleift að starfa í Bretlandi nú þar til lok mars á næsta ári en gríðarlega langar raðir hafa myndast á bensínstöðvum landsins vegna skorts á flutningabílstjórum.

Ástandið fari batnandi

Ráðherrar segja þó áað ástandið fari batnandi og að nú sé orðið meira framboð en eftirspurnin sé á bensíni, ástandið sé þó misgott á milli svæða.

Þá ætla stjórnvöld að veita 4.700 bílstjórum sem keyra með matvæli landvistarleyfi þar til í febrúar og 5.500 alifuglaverkamönnum landvistarleyfi fram að áramótum.

• Blogga um frétt