Leynileg auðæfi og viðskipti þjóðarleiðtoga, stjórnmálamanna og viðskiptajöfra hafa verið gerð opinber í einum stærsta leka á fjármálaupplýsingum í sögunni. 

Upplýsingar 35 fyrrum og núverandi þjóðarleiðtoga eru í skjölunum, þar sem fram koma upplýsingar frá aflandsfélögum. Skjölin hafa hlotið viðurnefnið Pandora-skjölin. 

Í skjölunum kemur m.a. fram að konungur Jórdaníu eigi leynilega eignir í Bretlandi og Bandaríkjunum að andvirði 70 milljóna punda, ríflega 12 milljarðar króna. Í skjölunum kemur einnig fram að Tony Blair, fyrrverandi forsætisráðherra Bretlands, og eiginkona hans spöruðu ríflega 300 þúsund pund í stimpilgjöld við kaup á skrifstofu húsnæði í Lundúnum. Parið fjárfesti í fyrirtæki á aflandseyju sem fer með eignarhald á skrifstofunni. 

Skjölin bendla Vladimír Pútín Rússlandsforseta við leynilegar eignir í Mónakó og sýna að Andrej Babis, forsætisráðherra Tékkalands, taldi ekki fram kaup fjárfestingarfyrirtækis sem skráð var á aflandseyju á margra milljón punda húsnæði í Suður-Frakklandi. 

Tengdar fréttir

Pandóruskjölin

Eigendur breskra fasteigna afhjúpaðir

• Guardiola í Pandóruskjölunum
• Segir allar fjárfestingar sínar löglegar
• Segir engar sannanir fyrir upplýsingunum
• Tilraun til að koma höggi á hann

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: En heppilegt