Segir allar fjárfestingar sínar löglegar
Setja bókamerki
Guillermo Lasso, forseti Ekvador, fullyrðir að allar fjárfestingar hans séu löglegar, en í Pandóra-skjölunum kemur fram að hann hafi fjárfest í gegnum 14 fyrirtæki í skattaskjólum, flest staðsett í Panama. BBC greinir frá.
Fyrirtækjunum var hins vegar lokað þegar ríkisstjórn Rafael Correa setti lög sem bönnuðu frambjóðendum að eiga fyrirtæki í skattaskjólum, að fram kemur í skjölunum.
Lasso, sem er fyrrverandi bankastarfsmaður, mun hafa komið sér upp fjárfestingarsjóði í Suður-Dakóta, sem tók yfir eignir sjóðsins í Panama, áður en hann bauð sig fram til forseta. Úr Panamasjóðnum höfðu borist mánaðarlegar greiðslur til náinna fjölskyldumeðlima Lasso.
Forsetinn segir 10 af þeim 14 fyrirtækjunum sem minnst er á í Pandóra-skjölunum hafi verið óvirk þegar hann bauð sig fram til forseta. Þá þvertekur hann fyrir að hafa tengsl við hin fjögur. Allar fjárfestingar hans, innan sem utan Ekvador, séu löglegar.
Upplýsingar um fjármál 35 núverandi og fyrrverandi þjóðarleiðtoga eru í Pandóra-skjölunum en nokkrir hafa brugðist við fréttaflutningi af skjölunum í dag. Þar á meðal Vladimir Pútín, forseti Rússlands, Abdullah II Jórdaníukonungur og Andrej Babis, forsætisráðherra Tékklands, sem sækist nú eftir endurkjöri.
Pandóra-skjölin eru einn stærsti leki á fjármálaupplýsingum í sögunni, en þar koma fram upplýsingar frá aflandsfélögum.
Vinna hefst í dag við að reisa undirstöður
Vilja 20 ára dóm í frönsku nauðgunarmáli
Unnið að hraunkælingu allan sólarhringinn
Auka aðgengi að Grindavík
Fundur hafinn hjá kennurum, ríki og sveitarfélögum
Íslensk kona handtekin á Tenerife eftir líkamsárás