Tilraun til að koma höggi á hann
Setja bókamerki
Andrej Babis, forsætisráðherra Tékklands, segir að leki á skjölum um fjármál hans, sem eru hluti af Pandóruskjölunum svokölluðu, sé tilraun til að koma höggi á hann vegna kosninganna í Tékklandi 8.-9. október næstkomandi. En Babis sækist þar eftir endurkjöri. BBC greinir frá.
Í skjölunum kemur fram að forsætisráðherrann hafi keypt tvö glæsihýsi í Cannes í Frakklandi fyrir 12 milljónir punda í gegnum aflandsfélag. Babis segist hins vegar ekki hafa gert „neitt ólöglegt“. Hann hefur ítrekað talað um það á sínum ferli að hann sé mótvægi við evrópska elítu. Að bæði hann og fyrirtæki hans fari að lögum og greiði skatta í Tékklandi.
Tæplega 12 milljónum leynilegra skjala var lekið um helgina, en þau innihalda meðal annars gögn um fjármál 35 núverandi og fyrrverandi þjóðarleiðtoga þar sem fram koma upplýsingar frá aflandsfélögum. Um er að ræða einn stærsta leka á fjármálaupplýsingum í sögunni.
Fæðuöryggi: „Áttum mat í þrjár vikur“
Ekki hægt að slá gosið út af borðinu strax
Falskur fyrirvari á auglýsingum Höllu
Heimildarmenn tala um hápólitískt drama
Fundur hafinn hjá kennurum, ríki og sveitarfélögum
Börnin eiga að ýta við foreldrum sínum
Íslensk kona handtekin á Tenerife eftir líkamsárás