Alexei Navalní, einn helsti stjórnarandstæðingur Rússlands, sem nú situr í þarlendu fangelsi, óskar Dmitrí Múratov, handhafa friðarverðlauna Nóbels, til hamingju með verðlaunin.

Múratov, ritstjóri óháða blaðsins Novaja Gazeta, sem gefið er út í Rússlandi, hlaut verðlaun fyrir störf sín í þágu tjáningarfrelsis ásamt fillipeysku rannsóknarblaðakonunni Mariu Ressa.

Frétt af mbl.is

Múratov og Ressa hljóta friðarverðlaunin

Með allri sál minni óska ég Dmitrí Múratov til hamingju með að hafa unnið friðarverðlaun Nóbels, segir í stuttri orðsendingu á twittersíðu Navalnís.

Navalní var einnig tilnefndur til verðlaunanna í ár og hafa margir, sem standa honum nærri, gagnrýnt ákvörðun Nóbelsnefndarinnar.

Eftir að verðlaunahafar voru kunngjörðir í síðustu viku sagði Múratov að hann hefði gefið verðlaunin Navalní og tileinkað þau þeim sex starfsmönnum blaðsins sem hafa verið myrtir vegna starfa sinna.

Navalní sagði enn fremur á twittersíðu sinni að það væri táknrænt að ristjóri Novaja Gazeta skyldi fá friðarverðlaun Nóbels á 15 ára ártíð Önnu Polikovskaju, eins fremsta rannsóknarblaðamanns í sögu blaðsins.

Tengdar fréttir

Al­ex­ei Navalní

Vill sjá Pútín á bak við lás og slá

• Vissi að hann myndi deyja í fangelsi
• Navalní átti að vera hluti af fangaskiptunum
• Rússar vilja handtaka ekkju Navalnís
• Handteknir fyrir að starfa fyrir teymi Navalnís

» Fleiri tengdar fréttir

• Blogga um frétt