Bandaríski leikarinn James Michael Tyler, best þekktur fyrir hlutverk sitt sem Gunther í þáttunum Friends, lést í morgun á heimili sínu í Los Angeles eftir baráttu sína við krabbamein.
Tyler var 59 ára gamall þegar hann lést en hann greindist með krabbamein árið 2018. Í kjölfarið deildi hann sögu sinni og hvatti fólk til að gangast undir blóðprufur fyrr á lífsleiðinni, og fylgjast með heilsunni.
Flestir þekkja hann sem Gunther, samstarfsmann Rachel (leikin af Jennifer Aniston) á kaffihúsinu Central Perk, í þáttaröðinni Friends, sem framleidd var af NBC. Gunther kom fram í yfir 150 þáttum og var stundum þekktur sem „sjöundi vinurinn“. Þetta kemur fram í frétt á vef BBC.