Sir Keir Starmer, leiðtogi Verkamannaflokksins, greindist í gær með kórónuveiruna. Hann hefur fjórum sinnum áður þurft að fara í sóttkví í faraldrinum, en ekki smitast fyrr en nú.

Starmer var einkennalaus í gær, en veikindin þýddu að hann gat ekki tekið þátt í hefðbundnum fyrirspurnartíma forsætisráðherra í neðri deild breska þingsins, né heldur gat hann stýrt gagnrýni stjórnarandstöðunnar á fjárlög ríkisins, sem kynnt voru í gær.

Ed Miliband tók við fyrirspurnum í fyrsta sinn síðan hann vék sem leiðtogi flokksins 2015, og hét Miliband því að hann myndi ekki gera þetta aftur, og uppskar hlátur frá stjórn og stjórnarandstöðu.

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir