Aðgerðarsinninn Greta Thunberg segir að stjórnmálamenn á loftslagsráðstefnu Sameinuðu þjóðanna, COP26, séu aðeins að þykjast taka framtíð jarðarinnar alvarlega.

Þetta sagði Thunberg á einum gríðarmargra útifunda í Glasgow í Skotlandi, þar sem ráðstefnan fer fram.

BBC greinir frá.

Frétt af mbl.is

Drottningin pirruð á innantómum orðum þjóðarleiðtoga

Thunberg sagði þannig við félaga sína úr samtökunum Fridays for future að róttækar breytingar í loftslagsmálum myndu ekki koma frá stjórnmálamönnum á ráðstefnunni heldur einstaklingum sem taka af skarið.

„Þessi ráðstefna er, enn sem komið er, eins og aðrar fyrri ráðstefnur, sem hafa ekki fært okkur neinar breytingar,“ sagði Thunberg og bætti við:

„Á ráðstefnunni eru bara stjórnmálamenn og leiðtogar, sem þykjast taka framtíð okkar alvarlega, þykjast taka veruleika fólks, sem glímir nú þegar við áhrif loftslagsbreytinga, alvarlega.“

„Við erum orðin langþreytt á þessu og við ætlum að gera breytingar hvort sem þeim líkar það betur eða verr,“ sagði Thunberg svo og sendi skýr skilaboð til þjóðaleiðtoga á ráðstefnu SÞ.

Tengdar fréttir

Loftslagsráðstefnan COP26

Loftslagsfundur Festu og Reykjavíkurborgar

• Súrsæt niðurstaða COP26
• Aðild að bandalagi gegn olíuvinnslu verið rædd
• Uppþot á blaðamannafundi: „COP26 misheppnaðist“
• Indland og Kína þurfi að svara fyrir sig

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Nornaveiðar og loftslag
• Ingólfur Sigurðsson: Gréta Thunberg hefur rétt fyrir sér