Þotubaggamaðurinn dularfulli var bara blaðra
Setja bókamerki
Alríkislögregla Bandaríkjanna hóf fyrir rúmu ári rannsókn vegna dularfulls manns sem sást til á flugi á þotubagga (e. jet pack) í yfir 900 metra hæð yfir Los Angeles-borg. Rannsókn málsins hefur verið í gangi síðan sást til mannsins fyrst.
Hún hefur leitt í ljós að líklegast hafi maðurinn dularfulli verið blaðra. BBC greinir frá.
Í myndefni úr þyrlum lögreglunnar má sjá eitthvað sem líkist mest hrekkjavökuskreytingu sem hefur slitið sig lausa og þannig endað á sveimi um borgina.
Myndirnar sýna það sem virðist vera einhvers konar blöðru útgáfu í raunstærð af teiknimyndapersónunni frægu Jack Skellington úr kvikmynd Tim Burtons frá árinu 1993, The Nightmare Before Christmas.
Flugu framhjá „gæja með þotubagga“
„Flugturn, American 1997 – við flugum rétt í þessu fram hjá gæja með þotubagga (e. jetpack),“ heyrðist flugmaðurinn tjá flugumferðarstjórninni í Los Angeles þegar fyrst sást til „mannsins“.
Heyra má samtalið sem hefst þegar um 5 mínútur og 20 sekúndur eru liðnar af þessari upptöku.
Þotubagga-maðurinn, eða þotubagga-blaðran öllu heldur, sneri síðan aftur nokkrum vikum síðar og var hún þá komin um tvisvar sinnum ofar eða í um 1.800 metra hæð.
Skotinn til bana við skyldustörf
Stefnt að afgreiðslu Íslandsbankasölu á vorþingi
Vonast til að menn sjái alvöru málsins
Náðun stuðningsmanna Trump vekur ólík viðbrögð
Ráðast í átak eftir smitið á Mánagarði
Bendir hveitifyrirtæki á kærumöguleika