Látnu gestirnir voru á aldrinum 14 til 27 ára

Lögreglan í borginni Houston í Texas hefur hafið lögreglurannsókn á andlátum sem áttu sér stað á Astroworld tónleikahátíðinni á föstudag. Að minnsta kosti átta létust og fjölmargir særðust eftir að hafa troðist undir í öngþveiti við svið tónleikanna þar sem rapparinn Travis Scott stóð í miðjum flutningi. 

Frétt af mbl.is

Hin látnu voru á aldrinum 14 til 27 ára.

Þá rannsakar lögreglan einnig ásökun um að öryggisvörður á svæðinu hafi verið sprautaður í hálsinn á meðan hann reyndi að handtaka tónleikagest. 

Ofsahræðsla braust út þegar mannfjöldinn þrýsti sér framar að sviði tónleikanna. Um 300 manns leituðu sér aðstoðar vegna meiðsla eftir á.