Lést í flugslysi mánuði eftir geimferð sína

Glen de Vries, meðstofn­andi Medi­da­te soluti­ons, sem fór ásamt William Shatner út í geim hinn 13. október, lést í flugslysi á fimmtudag. 

Hann var ásamt Thomas Fischer, eiganda flugskólans Fischer Aviation, í lítilli flugvél sem hrapaði í norðurhluta New Jersey í Bandaríkjunum á fimmtudaginn. Þetta kemur fram í frétt the Guardian. 

Hópurinn sem fór saman út í geim í október samanstóð af Glen de Vries, William Shatner, Audrey Powera og Chris Boshuizen. 

Óviðjafnanleg ástríða fyrir flugi

Blue Origin, fyrirtækið að baki geimferðunum, sendi í kjölfar slyssins frá sér yfirlýsingu þar sem það segist miður sín að heyra af örlögum Glens de Vries.

Hann hafi fært mikla gleði inn í geimfarahópinn og ástríða hans fyrir flugi verið óviðjafnanleg. Hans verði lengi minnst og sú minning heiðruð.

Slysið sætir nú rannsókn hjá öryggisráði samgöngumála Bandaríkjanna.

Frétt af mbl.is

William Shatner á leið út í geim níræður

• Blogga um frétt