Biden hyggst ræða við Pútín og Zelenskí

Joe Biden Bandaríkjaforseti sagði í kvöld að líklegt væri að hann myndi ræða við Vladimír Pútín Rússlandsforseta og Volodymyr Zelenskí, forseta Úkraínu, um helgina um þá spennu sem komin er upp á landamærum ríkjanna. 

Biden er nú staddur á Nantucket-eyju í Connecticut, en hann sagði við fjölmiðla að hann hefði áhyggjur vegna yfirlýsingar Zelenskís fyrr í dag um að flett hefði verið ofan af áformum um valdarán í Úkraínu, sem rússneskir ríkisborgarar tengdust. Sagði Biden að Bandaríkin styddu fullveldi Úkraínu og getu landsins til þess að stýra eigin málum sjálft. 

Frétt af mbl.is

Innrás Rússa verði dýrkeypt

Fyrr um kvöldið skoruðu talsmenn Hvíta hússins á bæði rússnesk og úkraínsk stjórnvöld að draga úr þeirri spennu sem komin væri í samskipti ríkjanna. Rússar hafa hins vegar vísað ásökunum Zelenskís á bug og sagt Bandaríkjastjórn og Úkraínu bera ábyrgð á ástandinu sem komið væri upp. 

• Blogga um frétt