Petr Fiala var tilkynntur sem nýr forsætisráðherra Tékklands í óvenjulegri athöfn í morgun.

Þar talaði forsetinn Milos Zeman, sem er bundinn hjólastól, inni í einskonar plastkassa sökum þess að hann er með Covid-19.

Fiala, sem starfaði áður sem stjórnmálafræðingur, fær það verkefni að stemma stigu við útbreiðslu kórónuveirunnar í landinu, sem hefur verið ein sú mesta í heiminum.

„Ég er sannfærður um að við munum brátt eiga sterka og stöðuga ríkisstjórn,“ sagði Fiala.

Búist var við því að Zeman myndi tilkynna Fiala sem nýjan forsætisráðherra á föstudaginn, degi eftir að hann var útskrifaður af sjúkrahúsi.

En sama dag var hann fluttur aftur á sjúkrahús eftir að hafa greinst með Covid-19. Hann var síðan útskrifaður af sjúkrahúsi í gær.

Milos Zeman í október síðastliðnum. AFP

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt