Ríkisstjórn Bretlands kynnti í dag nýjar sóttvarnaaðgerðir um sóttkví til þess að hefta úrbreiðslu Ómíkron-afbrigðisins. Yfirvöld segja að einhverjir hafi nú þegar verið lagðir inn á spítala með afbrigðið .

Frá og með þriðjudeginum munu fullbólusettir einstaklingar sem hafa verið útsettir fyrir smiti þurfa að sæta reglulegum prófum í viku. Hins vegar munu þeir sem hafa bara fengið einn eða tvo skammta af bóluefni þurfa að sæta 10 daga sóttkví.

Frétt af mbl.is

Tugþúsundir gætu dáið vegna Ómíkron í Bretlandi

Ómíkron nái meirihluta um miðjan desember

Sajid Javid, heilbrigðisráðherra Bretlands, gerir ráð fyrir því að meirihluti smita verði að Ómíkron-afbrigðinu um miðjan desember.

„Við erum að taka þetta hófsama og praktíska skref  til að takmarka þau áhrif sem aðgerðirnar hafa á daglegt líf fólks,“ segir Savid.

Boris Johson forsætisráðherra Bretlands hafði áður kynnt tillögur um að hefja notkun á bólusetningapössum og hvatti vinnuveitendur til þess að leyfa starfsmönnum að vinna heiman frá. 

Þessar aðgerðir verða bornar fyrir þingið á þriðjudag en skiptar skoðanir eru með Íhaldsflokksins um tilkomu þeirra. Þó er gert ráð fyrir að þær muni ná í gegn fyrir tilstilli atkvæða frá þingmönnum Verkamannaflokksins. 

1,898 tilfelli greinst

Yfirvöld í Bretlandi hafa veðjað á bóluefni sem bestu leiðina til að takmarka frekari dreifingu smita en 22,5 milljónir hafa þegar fengið örvunarskammt. 

BBC greindi frá því í dag að sjúklingar lægju inni á spítala með afbrigðið en 1,898 hafa greinst með Ómíkron þar í landi.

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt