Gríðarlega kröftugur skjálfti í Indónesíu

Jarðskjálfti 7,4 að stærð reið yfir indó­nes­ísku eyj­una Sulawesi skömmu fyrir hádegi að staðartíma. Engar fréttir hafa borist af mannfalli í kjölfar skjálftans öfluga.

Flóðbylgju­viðvör­un hef­ur verið gef­in út í kjölfar skjálftans.

Á myndskeiðum á samfélagsmiðlum má sjá fólk í borginni Makassar koma sér með hraði út úr byggingum þegar það verður vart við skjálftann.

Fram kemur í frétt BBC að íbúum í borginni Larantuka hafi brugðið mjög við skjálftann.

„Öllum brá. Fólk hljóp frá heimilum sínum og margir hlupu upp til fjalla,“ sagði einn íbúa í samtali við BBC.

• Blogga um frétt