Auðkýfingur handtekinn vegna mannskæðrar sprengingar

Auðkýfingurinn Mikahíl Fedyayev hefur verið handtekinn vegna sprengingar sem varð í kolanámu í hans eigu í Síberíu. Alls lést 51 í sprengingunni. 

Frá þessu greinir sérstök rannsóknarnefnd sem fer með rannsókn málsins. 

Frétt af mbl.is

Sex látnir eftir slys í námu

Fram kemur í yfirlýsingu að búið sé að ákæra eiganda SDS-Ugol-fyrirtækisins og þrjá aðra aðila fyrir brot á öryggisreglum og misnotkun valds sem leiddi til sprengingarinnar í námunni. 

Í kjölfar sprengingarinnar upplýstu námuverkamenn um fjölmörg önnur öryggisbrot á staðnum og sögðust þeir hafa verið neyddir til að vinna þrátt fyrir háan styrk metans á vettvangi.

Fedyayev hefur sagt að fyrirtækið hafi aldrei sparað í öryggisráðstöfunum.

• Blogga um frétt