Elísabet Englandsdrottning hefur ákveðið að hætta við árlegt aðventuboð sitt fyrir stórfjölskylduna vegna mikillar fjölgunar smita af völdum Ómíkron-afbrigðis kórónuveirunnar í Englandi. Er þetta annað árið í röð sem boðinu er aflýst vegna faraldursins. BBC greinir frá.

Frétt af mbl.is

Aldrei fleiri smit greinst í Bretlandi

Talið er að hinn árlegi viðburður gæti sett jólaplön of margra í hættu, en Chris Whitty, helsti heilbrigðisráðgjafi enskra stjórnvalda, sagði á blaðamannnafundi í gær að fólk ætti að forgangsraða þegar kæmi að því að ákveða hverja maður ætlaði að umgangast í aðdraganda jóla.

Aðventuboðið átti að eiga sér stað í byrjun næstu viku, en drottningin er vön að bjóða fjölskyldunni til hádegisverðar rétt fyrir jólin. Hefur drottningin þá hitt börn sín, barnabörn og barnabarnabörn áður en hún heldur til jóladvalar í Sandringham.

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt