Gengu erinda hersins þegar þeir grönduðu MH17
Setja bókamerki
Saksóknarar í Hollandi segja að mennirnir fjórir, sem sakaðir eru um að hafa grandað farþegaflugvél í lofthelgi Úkraínu árið 2014, hafi verið að ganga eigin hernaðarlegu erinda.
Með öðrum orðum eru mennirnir sakaðir um að hafa verið að ganga erinda rússneska hersins þegar þeir skutu loftskeytum í átt að vélinni, með þeim afleiðingum að allir 298 um borð létust. Líklegt má þykja að mennirnir hafi ætlað sér að granda úkraínskri herflugvél.
Vélin var á leið frá Schipol-flugvelli í Amsterdam, Hollandi, og til Kúala Lúmpúr í Malasíu þegar hún fórst. Aðalmeðferð málsins sem nú stendur yfir fyrir hollenskum dómstól bætir líklega gráu ofan á svart í samskiptum Rússlands og Vesturlanda, sem báru nýlega fram ásakanir um að Rússar væru að leggja á ráðin um innrás inn í Úkraínu.
Mennirnir, sem ekki hafa enn mætt fyrir dómara í Hollandi, eru frá Rússlandi og heita Ígor Girkin, Sergei Dúbinskí og Oleg Púlatov að undanskildum Leoníd Karsjenkó, sem er frá Úkraínu. Girkin, Dúbinskí og Púlatov eru fyrrum útsendarar rússnesku leyniþjónustunnar en Karsjenkó er þekktur úkraínskur aðskilnaðarsinni.
Skýrslutökur sakborninga og vitna hafa tekið um þrjá daga en dómsuppkvaðningar er ekki að vænta fyrr en seint á næsta ári í fyrsta lagi, eins og fram kemur í frétt AFP.
Þyngsti mögulegi dómur yfir mönnunum er lífstíðarfangelsisdómur.
Ekki gerlegt að sakfella eftir lýsingu í ákæru
Svona verður endaspretturinn
Ágreiningur í VG um aðild að NATO
Líkur á vatnavöxtum og varað við skriðum
Tíu börn á spítala, þar af tvö á gjörgæslu
Sjá mikinn viðsnúning og ætla ekki að skerða þjónustu
Björgunarsveitarmaður á æfingu lést við Tungufljót