Heimila nýtt lyf Pfizer gegn veirunni
Setja bókamerki
Matvæla- og lyfjaeftirlit Bandaríkjanna (FDA) hefur veitt lyfi Pfizer gegn Covid-19 markaðsleyfi fyrir einstaklinga sem eru tólf ára og eldri og eru í áhættuhópi.
Paxlovid er samsetning tveggja taflna sem eru gefnar með tveggja daga milli bili. Rannsókn á 2.200 einstaklingum sýnir að lyfið dregur úr innlögnum á spítala og fækkar dauðsföllum hjá fólki sem er í áhættuhópi um næstum 90 prósent þegar hún er tekin fyrstu dagana eftir að einkenni finnast.
„Markaðsleyfið er fyrsta sinnar tegundar í meðferð við Covid-19 þar sem um er að ræða lyf í töfluformi. Þetta er stórt skref fram á við í baráttunni gegn heimsfaraldrinum,“ sagði Patrizia Cavazzoni, vísindamaður hjá FDA, í yfirlýsingu.
Hún sagði að lyfið myndi breyta meðferðinni við veikindum Covid-19 og vonandi létta undir álagi á heilbrigðiskerfinu.
Matvæla- og lyfjaeftirlitið ítrekaði að Paxlovid kemur ekki í stað bólusetningar heldur væri um viðbót að ræða.
„Þetta er ríkisstjórn almannahagsmuna“
„Mér finnst gamla Samfylkingin komin aftur“
Lát hjóna í Neskaupstað: Ákæra gefin út
Funda með þingflokkum
Ók á hóp fólks á jólamarkaði: Einn látinn
Samfylking og Viðreisn gáfu loforð
