Webb-sjónaukanum skotið til lofts í beinu streymi

Eftir enn eina seinkunina verður Webb-sjónaukanum, sem er stærsti og öflugasti geimsjónauki sögunnar, skotið til lofts frá Franska Gvæjana á hádegi í dag. Nánar til tekið klukkan tuttugu mínútur yfir tólf.

Um er að ræða 6,5 tonna og 1.300 milljarða króna geimsjónauka. Mun sjónaukinn þá fljúga í um 1,5 milljón kílómetra fjarlægð frá jörðu þar sem hann finnur sér sporbaug í kringum sólu í kjölfar þessa mánaðarlanga ferðalags.

Frétt af mbl.is

Dýrustu jólagjöf ársins seinkar um einn dag

Meginmarkmið verkefnisins er að mynda og mæla fjarlægar vetrarbrautir, skanna eftir sambærilegum plánetum og jörðinni og finna fyrstu vetrarbrautir alheimsins.

Hægt verður að fylgjast með eldflauginni taka á loft í beinu streymi frá youtuberás bandarísku geimferðastofnunarinnar, NASA.

Frétt af mbl.is

Geimurinn fær harðan pakka á aðfangadag

• Blogga um frétt