Ferðalög hafa reynst milljónum manna víðs vegar um heiminn ansi erfið þessa jólahelgina en fjölda flugferða hefur verið aflýst sökum Ómíkron-afbrigðis kórónuveirunnar.

2.200 flugferðum var aflýst í dag en alls hefur um 7.500 ferðum verið aflýst síðan á aðfangadag. Auk þess hefur tugþúsundum flugferða verið seinkað en þessi árstími er almennt annasamasti ferðatíminn. Þá hefur fjöldi flugfélaga sagt að kórónuveirusmit meðal starfsmanna hafi valdið skorti á starfsfólki.

Áhrifanna gætir um allan heim og búist er við að fleiri flugferðum verði aflýst í vikunni. Að minnsta kosti 735 flugferðum á morgun hefur verið aflýst og 160 á þriðjudag samkvæmt FlightTracker sem fylgist með stöðu flugferða.

Gripið til frekari takmarkana 

Um allan heim hafa greinst tilfelli af hinu mjög svo smitandi Ómíkron-afbrigði og hefur fjöldi landa gripið til takmarkana á nýjan leik. Helstu íþróttadeildir aflýstu fótbóltaleikjum og ruðningsleikjum sem átti að halda í dag, annan í jólum. Þá hafa stjórnvöld víðsvegar um heiminn eflt sýnatökur og bólusetningar.

Í borginni Xi'an í Kína hefur verið gripið til útgöngubanns og 13 milljónum íbúa því gert óheimilt að yfirgefa heimili sín en fleiri höfðu ekki greinst með kórónuveiruna í Kína í 21 mánuð.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt