Ákveðin málamiðlun að stytta einangrunartíma
Setja bókamerki
Alþjóðaheilbrigðismálastofnun (WHO) sagði í dag það vera ákveðna málamiðlun að stytta einangrunartíma Covid-smitaðra einstaklinga.
Sóttvarnastofnun Bandaríkjanna (CDC) mælti með því á mánudag að stytta einangrunartíma einkennalausra um helming, eða úr tíu dögum í fimm. Þá hafa yfirvöld á Spáni einnig sagst ætla að stytta einangrunartímann fyrir alla, úr tíu dögum í sjö.
„Ef fólk styttir einangrunartímann mun lítill hópur af fólki þróa með sér sjúkdóminn og hugsanlega smita aðra, af því að einstaklingarnir hafa sloppið fyrr úr einangrun,“ sagði Michael Ryan, stjórnandi neyðaraðgerða WHO, á blaðamannafundi.
Hann sagði þann hóp vera mjög smáan og að mun stærri hópur fólks myndi ekki smita aðra.
Erfitt að finna jafnvægi
„Þetta er því málamiðlun á milli vísindanna og að vera algjörlega fullkominn í öllu sem þú tekur þér fyrir hendur, á sama tíma að raska efnahags- og félagslífinu sem minnst. Ríkisstjórnir heimsins eiga erfitt með að finna það jafnvægi,“ sagði Ryan.
Leiðbeiningar WHO varðandi eingrunartíma eru þær að smitaður einstaklingur skuli vera í einangrun í tíu daga frá því að hann fær einkenni Covid-19 og að minnsta kosti þrjá daga til viðbótar í einangrun án einkenna. Þeir sem hafa engin einkenni skuli vera í einangrun í tíu daga frá því að smit greinist.
Að sögn Ryans eru einkenni til staðar í fimm til sex daga, en það sé þó mismunandi. Litlar líkur væru þó á að einkenni birtust eftir sjö daga, því væri það stjórnvalda í hverju ríki fyrir sig að ákveða einangrunartíma.
Þá nefndi hann að nokkrar rannsóknir bentu til þess að einstaklingar smitaðir af Ómíkron-afbrigðinu hefðu einkenni í styttri tíma.
„Þau bara ætla ekki að gefa sig“
Tregða í verðbólgunni
Undrandi að ég væri ekki eskimói
Veitingamaður: Bíða niðurstöðu úr sýnum
Funda í Karphúsinu
Segir borgaryfirvöld hunsa íbúa
„Tíminn er að renna frá okkur“