Ísrael heimilar fjórða skammtinn
Setja bókamerki
Yfirvöld í Ísrael hafa samþykkt að gefa viðkvæmum hópum fjórða skammtinn af bóluefni gegn Covid-19.
Ríkið er hið fyrsta til þess að heimila fjórða skammtinn. Þá hafa þeir einnig fengið sína fyrstu sendingu af Covid-töflum frá lyfjafyrirtækinu Pfizer.
„Í dag heimilaði ég fjórða skammtinn fyrir þá sem eru viðkvæmir. Þetta gerði ég í ljósi þess að rannsóknir benda til ávinnings af bólusetningu,“ sagði Nachman Ash, sem fer fyrir aðgerðum stjórnvalda vegna kórónuveirunnar, á blaðamannafundi.
Þá bætti hann við að fjórði skammturinn væri einnig heimilaður í ljósi útbreiðslu Ómíkron-afbrigðisins. Um fjögur þúsund smit greinast nú á hverjum degi í Ísrael.
Um fjórar milljónir Ísraelsmanna hafa fengið þrjá skammta af bóluefni en rúmlega tíu milljónir búa í ríkinu.
Tugir gesta veikir eftir þorrablót
Mikið vatn ógnaði rafmagni og tölvukerfum
Sú eina sem sérhæfir sig í glákuaðgerðum
Veitingamaður: Bíða niðurstöðu úr sýnum
Djúpfalsanir búa til nýjar hættur