Biden segir Trump bera óskipta ábyrgð á innrásinni
Setja bókamerki
Joe Biden Bandaríkjaforseti mun leggja ábyrgðina á innrásinni í þinghús Bandaríkjanna á herðar Donald Trump fyrrverandi forseta Bandaríkjanna. Eitt ár verður liðið frá því að árásin átti sér stað á morgun.
Samkvæmt fjölmiðlafulltrúa Hvíta hússins, Jen Psaki, mun Biden fordæma gjörðir forvera síns og segja hann einan bera ábyrgð á þeim „glundroða“ sem varð fyrir utan þinghúsið í Washington D.C. þegar þingið var við það að samþykkja kjör Joe Bidens sem forseta Bandaríkjanna.
Hápunktur ástandsins undir stjórn Trump
Psaki segir Biden sjá innrásina sem „sorglegan hápunkt“ þess sem hefði gengið á í landinu undir stjórn Donald Trump.
Um 450 hafa verið ákærðir í kjölfar innrásarinnar og þar á meðal 6 lögreglumenn. Einhverjir hafa þegar verið dæmdir til fangelsisrefsingar fyrir hlutdeild í athæfinu.
Ræðu Biden verður sjónvarpað á morgun en Donald Trump hefur aflýst sínum eigin blaðamannafundi sem átti líka að fara fram á morgun.
Fyrsti blaðamannafundurinn í heild sinni
„Þetta er ríkisstjórn almannahagsmuna“
Skattamál verði líklega „þeirra mesta klemma“
Víkingar komnir yfir 800 milljónir í greiðslur
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
Samfylking og Viðreisn gáfu loforð
